Szpil zacon się łod nŏszych dobrych ataków, wiyncyj ze eków, ale côłki czôs brakło łostatnigo podaniŏ. Nojbliżyj tora bōł Michał Mokrzycki, kiery fajnie szczyloł we 7 minucie, ale torman wybijŏł na ek, potyn szczyloł we 11 minucie, ale we rynce Misztala.
Po 15 minutach wiyncyj zacli grać gospodŏrze, co chwila cylowali we tor Kamila Lecha. We 24 minucie cynter ze eku, bala slatuje na 15 meter, tam je Maciej Machalski, szczylo i bala kole supka wlatuje do tora na eins do Znicza. Modre jesce do pauzy chcieli wyrównać, ale nojbliżyj bōł Zieliński, kiery szczylŏł fest za tor Misztala.
Drugŏ halbka szpilu mogła być lepszŏ, na szpilplac, po 13-stu latach pauzy wloz Tomasz Foszmańczyk (zmiyniôł Lucjana Zielińskiego). Piyrwsze fragmynty drugij halbki bōły dobre, we 10 minut mielimy 2 eki, ale żodnŏ cynta niy doszła do celu. Zaznaczŏmy, że Znicz pŏra razy zaatakowôł tor Kamila Lecha, ale na szczyńście, abo bala szła za tor, albo chytŏł ja Lech.
We 79 minucie Wojciech Kędziora szczyloł tor do Ruchu, ale syndzia gwizdnôł spolony. Łostatnie fragmynty bōły lepsze we wykonaniu Ruchu, wiyncyj ataków, ale żôdyn szczał niy wloz do tora gospodorzy.
Po słabym szpilu sfalômy ze Zniczem 0-1. Nŏszo sytuacjŏ robi sie już fest niy ciekawo, muszymy już czekać na wyniki ze inkszych sztadionôw. Za tydziyń grômy u sia ze Stalą Stalowa Wola. Bydzie to szpil ło 9 punktów.
Znicz Pruszków – Ruch Chorzów 1:0 (1:0)
1:0 Maciej Machalski, 24 min.
Znicz: Misztal – Bochenek, Wrześniewski, Rybak, Smoleń – Małachowski, Machalski (86 Faliszewski) – Rackiewicz (71 Kubicki), Stromecki (69 Kocot), Tarnowski – Zjawiński (90 Szymański); trener: Andrzej Prawda.
Rezerwowi: Pawełczyk, Gajda, Pyrka.
Ruch: Lech – Lechowicz, Wiech, Kulejewski, Miahkow – Duriska, Mokrzycki – Mandrysz (63 Podgórski), Kędziora, Zieliński (46 Foszmańczyk) – Giel (67 Idzik); trener: Marek Wleciałowski.
Rezerwowi: Smug, Budek, Rudek, Wdowik.
Żółte kartki: Rybak, Kocot – Foszmańczyk, Podgórski.
Sędziował: Łukasz Kuźma (Białystok).
Napisz komentarz
Komentarze