Czesław Palik (Tryner Stali Stalowa Wola): „Ze srogim szacunkiym przijechali my dzisiŏj na tyn sztadion. Uważŏm, że do pauzy Ruch miŏł lekko przewŏga. My szczelili fajny tor, po piyknyj cyntrze i szczale ze kepy. Potyn my prziśli, wygrali my gôrno bala, ale potyn stracilimy tor na 1-1. We drugij halbce bōła nŏszo przewôga, bōła lata, pora łokazjôw, ale trza szanować tyn punkt. Moglimy wygrać tyn szpil, ale niy szczelili my po prostu drugigo tora. Życza trynerowi Wleciałowskiemu uporaniŏ sie ze wszistkimi problymami. Niych Ruch bydzie Ruchem ze dôwnych lŏt”.
Marek Wleciałowski (Tryner Ruchu Chorzów): „Mieli my swoje problemy, co godôł tryner Stali, miało to przełożynie na szpil. We piyrwszyj halbce staralimy sie szpilać agresywnie, ze złościom. Mielimy swoje łokazje. We drugij halbce łobroz gry się zmiynioł, przez zmiany fusbalorzy. Staralimy sie wygrać tyn szpil, ale gralimy ino zrywami. Szpil bōł do nŏs trudny i trza szanować tyn punkt.
To bōł do nŏs intensywny, trudny tydziyń. Na pewno te spotkania ze kibicami tyż miŏły przełożynie na postawa drużiny, głôwnie modych fusbalorzy. Wsziscy wiymy, że rôżne naciski i formy rozprŏwek motywacyjnych majōm swoje dobre i słŏbe sztrony. Na pywno bōł pozytywny wpływ na mobilizacjŏ, co pokŏzała nŏszo gra we drugij halbce, kaj staralimy sie fest, bōły fragmynty gry, kaj chytalimy kartki, ale niy bōło jakości”.
Życie Na Niebiesko dla Tuby Chorzowa
Napisz komentarz
Komentarze